earth shaking

Madami akong natutunan kapag nakikipagmeeting sa mga leaders and volunteers ng parish.
Yan ang advantage pag magagaling ang kinukuhang leaders at sila ay binibigyan ng pagkakataon magsalita.
Sa aking palagay, di na dapat nagsasalita palagi ang pari sa meeting o brainstorming.
Sapat ng mag isa siyang nagsasalita sa misa kapag nag homily, o nag sermon.
Sapat ng magbigay ng direksiyon sa meeting at hayaan ang iba maglagay ng detalye.

Isa sa bagong natutunan ko , sa financial literacy.
Income - Savings - Expense.
Earth shaking, ika nga ng nagshare sa amin.
Kailangan maituro ang pamamaraan na ito sa mga miyembro ng microlending.
O sinumang nais makapag-ipon at umasenso sa buhay.
Pag may kita, kaltasin na agad ang dapat ipunin saka ang tira ay ibudget para gastusin.
Priority ang pag-iipon at di ang pagasta.
Kadalasan kasi, kung ano ang natira, yun na lamang ang tinatabi.

Ganun din sana sa tithing.
Income - Tithing/Savings - Expense
Priority ang pagtatabi sa tithing.
At ano ang tithing? Taos pusong pagbabalik ng ikapu sa Diyos ng biyayang tinanggap.
Kadalasan kasi, kung ano ang natira, yun na lamang ang tinatabi.
At ang maliit na parte nun ang pag-iisipan pang ibalik sa Diyos.
Di malugod sa loob pa nga kung minsan ang pagbibigay.
Di na tuloy naging first fruits.
Sapilitan.
Ano kaya nararamdaman nin Hesus habang tinatanggap ang mga ito?

Ganun din sana sa pagdarasal.
Time - Prayer/Work - Rest.
Priority ang pagdadasal.
Uunahin at ibibigay ang best time at best efforts para sa Diyos.
Di tira tira ang binibigay para sa Diyos.
Kaya binibigay natin ang abot ng ating makakaya
Bilang pagtanaw ng utang na loob
Sa Diyos na di lamang nagbigay sa abot ng kanyang makakaya
Kundi ng kanyang sarili, mismo.